好怕人再用父子、母子、爺孫去表述兩個地方嘅關係。
首先「父母一定啱」、「做人一定要孝順」背後嘅邏輯都係時候喺呢個年代好好諗清楚，呢啲所謂道德都係家庭或者社會嘅當權者不斷灌輸比新一代嘅價值，要咁樣灌輸最簡單嘅原因就係因為佢哋係既得利益者。唔思考嘅人只會成為犬儒主義嘅奴隸。
我愛我嘅家人，係因為佢哋個人嘅本質，而唔係純粹係身份；更何況講緊一個地方。一個地方係冇子宮㗎，並非由性交所生，養大人民嘅都係交稅嘅人。就算根據「做人一定要孝順」嘅道理，無論係講緊生母生父定係養母養父，都係完全唔係適切嘅比喻。

【不針對任何人，人人有自己權利同原委去表述任何立場。只是覺得有這個概念需要分享。】
Search